قافله بار ائ کنه دلم وه بارس                    چي بارئ سر دلم گرت و غوارس
قافله بار ائ کنه زه شا خراسو                    دلم چي چاله تشي منده وه جاسو
تش سئري وه دلم زئدي و رهدي                    مر ودي بي سي تشئ ويدي و رهدي
زه گتند تا دشت اؤ بيد تا عقيلي                    همه جا سؤز اويده سؤزه قصيلي
همه جا سؤز اويده غير زه دل مهُ                    ائ گره نه کي گُشه زه مشکل مه
زه گتند زدوم وه در تا شيخ سليمو                    تا قيامت يادمه او عهد و پيمو
زه گتند زدم وه در تا پل پرزين                    پره لام گل باوينه پره دلم خين
زه گتند زيدوم وه در دينداته گردم                   تهُ گل سُر مني  مه خار زردم
آسمو اؤرئ گره زه قيل سياتر                   شؤ و روز تي ره تنم وا ائ تيا تر
بخت تو چي رخت ته سؤزه قصيلي                   بخت مه چي رخت مه سيا و نيلي
وا کتوه حافظم گردمه فالئ                   دشمنت بينا چه فالي و چه حالي